第一次搭飛機, 丁丁興奮到不得了!
起機後, 又話望到荃灣, 又話見到青馬大橋, 真係大鄉里! 好彩到最後比套卡通片吸引住, 先至無再大聲亂講嘢。
2:25pm 準時落機,落機後一個箭步跑上無人駕駛接駁車, 諗住快快趣過關, 趕搭3:40 成田特急去新宿, 點知去到custom, d 人打哂蛇餅, 龍頭龍尾都見唔到, 足知等咗成個鐘先至搞掂。搭唔到特急, 唯有嘥多d時間搭limousine, 去到keio plaza hotel已經6:30。
第一餐去咗食蟹, 環境好好, 仲有人彈琴, 我哋叫咗個長腳蟹set, 有蟹腳刺身同炭燒, 但丁丁同我都鍾意原味熟食, d 蟹肉好sweet, 我哋仲加咗個豚肉火鍋, ok好食。
丁丁第一次住酒店,極度興奮,成十二點都未訓,又問點解呢間屋無洗衣機﹑無廚房;又將茶几當滑梯;我哋熄哂燈訓佢都仲坐响窗邊話睇風景,又話好擔心妹妹,真係比佢激死!
No comments:
Post a Comment